مسابقة موبي زون 4545 مسابقة شوارع بلدنا سلفنى 3 جنية

احكيلكم قصتى مع مسابقة موبي زون 4545 شوارع بلدنا قولت اجرب بعت على الرقم بتاعهم جاتلى الاسئلة جاوبت مبروك انت قربت من الفوز بالجائزة اليومية كمل يابطل طبعا البطل انبسط قوى وكمل سؤال يجر سؤال وموبي شغالة الله ينور رفع فى المعنوايات مقولكمش اتظبط حسستنى انى خلاص قبضت فى يوم من الايام جاتلى رسالة انى كدة فى المقدمة استمر وخلاص انت اقتربت من الجائزة اللى مش عارف ايه و 15000 و 50 الف و ربع مليون وهيصة وانا زى الدغف لا من غير زى عمال ابعت 3 جنية فى 3 لغاية لما صرفت حوالى 200 جنية
دلوقتى لسه بيبعتولى من ساعتها طبعا زبون مايتسبش وكل رسالة اقول هى دى مبروك انت الفائز بالربع مليون ولا حتى الجايزة الشهرية اروح اللاقى اللى بيقولى اقتربت يالا يابطل زود فرصك
بس منين سلفنى 3 جنية