بتفكرى تكونى زوجة ثانية طيب اعرفى الاول ايه المشاكل اللى ممكن تقابلك فى حياتك بسبب وضعك قبل ماتتهورى وتقولى اه او لا فيه ناس كتير مابيفرقش معاها الموضوع ده وتقول ومالوا وناس تانية بتقول ابدا حبيت اقولك يا اللى بتفكرى تكونى زوجه تانيه خلاصه تجربتى اللى تقدرى تقولى عليها تجربة مريرة
اه بحب جوزى وتقريبا هو بيحبنى بس ايه لازمة الحب ده وانا مش عارفه ولا قادره احس انى مراته بجد
كنا فى اول تعارفنا ناويين نقول لمراته وهو مهدلها وناس قالوا ليها اننا هنتجوز
وانا رحتلها بيتها بمعنى اصح هى خدتنى بيتها فى يوم كنت مع جوزها فى شغله بحكم انى شريكته فى الشغل قالتلى تعالى عاوزاكى فوق فى البيت طلعت معها ويومها قالتلى اللى سمعته عن انى وجوزها هنتجوز
انا مانكرتش وقلتلها ايوة بس مكنتش بقول كده علشان اغيظها لاء انا كنت بقول كده علشان مش عايزاها تكون فى الموقف اللى هى فيه دلوقتى واللى هو اننا متجوزين وهى متعرفش او بمعنى اصح عارفه ومطنشة
ملحوظة اخواتها الرجاله كلهم حضروا جوازى من جوز اختهم واهل جوزى كلهم حضروا جوازى وجوازى على سنة الله ورسوله وكان ليها اخت بنت واحده اكبر منها ب5 سنين كانت عارفه بردو وبتحبنى اوى وكلهم وخاصه اخواتها والله كانوا فرحانين بالجوازة بتاعتى اوى لانهم عارفين ان جوزى اداه لاختهم فرصه حوالى 12 سنة انها تتغير وتهتم بيه كزوجه بس للاسف هى كانت عايشه كربة اسرة فقط بمعنى تطبخ تغسل وشكرا انما الراجل اللى هى متجوازه ده والله ماكان على بالها ولا يوم الا لو هى ليها مزاج واكيد فاهمين قصدى غير كده بتقعد بال4شهور كانها اخته حتى اللبس الدلع ولا تعرف طريقه ياما نزل جبلها لبس لانجيرى اد كده كانت تتريق عليه وترميهم فى الدولاب
انا لما اتعرفت عليها حاولت اعلمها حاجات كتير اوى كاخت بتعلم اختها والله لا اكتر ولا اقل وهى مكنش فى بالها كانت بتخسر جوزها شغل كتير اوى بسبب انها مش بتتعلم طبيعه شغله مع ان طبيعه شغله مش مستاهله تعليم اصلا
ياما قلت لها قبل جوازى من جوزها تعالى اعلمك القراية والكتابة وهيبقى سر بينى وبينك واخليكى احسن منى مليون مرة ولا الهوا كان ردها عليا(انتى دماغك فاضيه ولا ايه قرايه وكتابه ايه كفايه انى بعرف اغسل واطبخ وخلاص ال علام ال)
وعدت سنة تعارف بينى وبينها بحكم انى شريكة جوزها(جوزى) وبعد السنة دى اتخطبت لجوزى وبعدها بشهور اتجوزنا عيالها كانوا بيحبونى اوى وللاسف اتعلقوا بيا جدا لدرجه انهم بقوا يقولوا ليا ياماما وانا رفضت الموضوع ده مراعاة ليها
اه بحب جوزى وتقريبا هو بيحبنى بس ايه لازمة الحب ده وانا مش عارفه ولا قادره احس انى مراته بجد
كنا فى اول تعارفنا ناويين نقول لمراته وهو مهدلها وناس قالوا ليها اننا هنتجوز
وانا رحتلها بيتها بمعنى اصح هى خدتنى بيتها فى يوم كنت مع جوزها فى شغله بحكم انى شريكته فى الشغل قالتلى تعالى عاوزاكى فوق فى البيت طلعت معها ويومها قالتلى اللى سمعته عن انى وجوزها هنتجوز
انا مانكرتش وقلتلها ايوة بس مكنتش بقول كده علشان اغيظها لاء انا كنت بقول كده علشان مش عايزاها تكون فى الموقف اللى هى فيه دلوقتى واللى هو اننا متجوزين وهى متعرفش او بمعنى اصح عارفه ومطنشة
ملحوظة اخواتها الرجاله كلهم حضروا جوازى من جوز اختهم واهل جوزى كلهم حضروا جوازى وجوازى على سنة الله ورسوله وكان ليها اخت بنت واحده اكبر منها ب5 سنين كانت عارفه بردو وبتحبنى اوى وكلهم وخاصه اخواتها والله كانوا فرحانين بالجوازة بتاعتى اوى لانهم عارفين ان جوزى اداه لاختهم فرصه حوالى 12 سنة انها تتغير وتهتم بيه كزوجه بس للاسف هى كانت عايشه كربة اسرة فقط بمعنى تطبخ تغسل وشكرا انما الراجل اللى هى متجوازه ده والله ماكان على بالها ولا يوم الا لو هى ليها مزاج واكيد فاهمين قصدى غير كده بتقعد بال4شهور كانها اخته حتى اللبس الدلع ولا تعرف طريقه ياما نزل جبلها لبس لانجيرى اد كده كانت تتريق عليه وترميهم فى الدولاب
انا لما اتعرفت عليها حاولت اعلمها حاجات كتير اوى كاخت بتعلم اختها والله لا اكتر ولا اقل وهى مكنش فى بالها كانت بتخسر جوزها شغل كتير اوى بسبب انها مش بتتعلم طبيعه شغله مع ان طبيعه شغله مش مستاهله تعليم اصلا
ياما قلت لها قبل جوازى من جوزها تعالى اعلمك القراية والكتابة وهيبقى سر بينى وبينك واخليكى احسن منى مليون مرة ولا الهوا كان ردها عليا(انتى دماغك فاضيه ولا ايه قرايه وكتابه ايه كفايه انى بعرف اغسل واطبخ وخلاص ال علام ال)
وعدت سنة تعارف بينى وبينها بحكم انى شريكة جوزها(جوزى) وبعد السنة دى اتخطبت لجوزى وبعدها بشهور اتجوزنا عيالها كانوا بيحبونى اوى وللاسف اتعلقوا بيا جدا لدرجه انهم بقوا يقولوا ليا ياماما وانا رفضت الموضوع ده مراعاة ليها
