ميزانية البيت الشهرية مغتربات الكويت

الى مغتربات الكويت تفضلى ميزانية البيت الشهرية لعدد اربعة افراد توازنى معها حسب عدد افراد اسرتك وزوقك العام واستبدلى ما ترغبين به فى حدود سعرة انا طبعا هبتدى بالاماكن الى فيها الحاجات بتاعه الاكل الرخيصه
اللى انا بنزل اشترى منها وهنقسم ال360 دينار وهما طبعا كتير ماشاء الله
يعنى لو سمعتى كلامى هتحوشى منهم كتير سوق السمك (سوق شرق) ده بيبيع السمك بالشروة فى الوقت بتاع الساعه 5 كده
ده بقى انا بنزل اجيب منه 20كيلو سمك ب5دنانير بالتنظيف قولى ساعه
ماهيكون نوع تانى هتجيبيه ب7دنانير بالتنظيف السله كامله حوالى 20كيلو
وبقسمهم اكياس فى الفريزر بفضى الرف الى تحت وارصهم فوق بعض ومش بكلكعهم
ببطط الكيس بحيث يشيل اكتر تلاجتى 14 قدم وشال الرف الى تحت العشرين
كيلو وكفى كمان وزاد
اللحمه
بتتجاب كل اسبوع حسب احتياجاتك
يعنى ممكن تجيبى كيلو ونص فى الاسبوع
يعنى 6كيلوا فى الشهر ببحوالى 15 دينار
وتروحى المباركيه لو نفسك فى مومبار او فشه وكرشه وطحال واللذى منه\
هتلاقى كل حاجه قولى هتجيبى فى الشهر كله بتاع تلاته كيلو من الحاجات دى
تقريبا الكيلو بدينارين ادى سته دينار
كده وصلنا لكام
هنقول 10سمك +15لحمه +6ممبار وتشكيله كمثال يعنى وده حسب طلبكك
كده بقو31دينار
نيجى لطلبات البيت هتنزلى تشترى حاجات
زى الصابون والاريال والبريل
وسلك مواعين وصلصه
وكل الحاجات المعلبه منين من السوق التركى
موجود فى الشويخ خلف سوق رامز اسالى هناك الف مين يدلك ناحيه سوق التمور كده
هتقعدى تلمى منه
ممكن تصرفى لك ساعه ماهتطلعى بحاجااات كتيير 10 دنانير
كده بقو 41 دينار
كنت هنسى اقولكم على اللبن البودرة والارز بتاع التموين والحاجات دى الزيت والصلصه واللذى منه
ليها كذا مكان لو ليكم حد
فى جمعيه هتعرفو تجيبوها
وهتلاقوها فى حسوى فى الجليب ناس كده بتقعد من الصبح للعصر
وبيبيعوا كل التموين
وهتلاقوها فى شبرة خيطان باردو
ناس قاعده بتبيعها وخلى جوزك يسأل لو مش لقى هناك

هتلاقوها كمان اى واحده بتشتغل معاها اخت كويتيه هتلاقيها ممكن تستغنى عن بعض الحاجات

الخضار والفواكه
من السوق بتاع شبره خيطان او اى شبرة فى منطقتك
تكون حره مش فى مول ولا سوق كبير ولا جمعيه
انا عن نفسى بنزل شبرة خيطان جوزى اللى بيروح
وبجيب كل اسبوع احتياجاتى من فواكه وخضار والاسعار تهبل
والله العظيم فى الارض
كارتونه الخيار ربع دينار
لسه اول امبارح جايبه
خمسه كيلو طماطم بنص دينار
والتفاح حوالى 10 بنص
الاجاص
حوالى 10 بنص

المانجه كارتونه ومانجه مصرى بنص دينار
الخضرة والشبت والباذنجان الابيض والاسود جبتهم على بعض ب750 كانو كميه

البطيخه بنص

الموز حوالى 20صباع بنص دينار وعلى حسب البايع
المهم الشبرة
دى هتوفر عليكى بالهبل خليكى منظمه فى الغربه

شبرة خيطان موجوده ورا الصالح كلينك اسالى هتلاقيها باردو
والصالح كلينك قدام النادى الرياضى بتاع خيطان عالطريق يعنى
يارب اكون عرفت اوصفها

هنقول هتصرفى فى الشبرة فى الاسبوع 7دنانير

28دينار فى الشهر للشبرة هنقول 30
وفى فوق 41
ادى 71دينار مصاريف

كده انا حددت لك الاماكن الرئيسيه

الى هتروحى تجيبى منها حاجاتك صح


ممكن تروحى اسواق لان احيانا بنعوز نروح اسواق باردو
هتروحى سوق رامز
او جيان 360مول اسعاره تحفه تحفه

وكارفور بينزل اسعاره كمان

تعالى لسوق تحفه نغفل عنه باردو هتلاقى
سوق جولف مارت الشويخ اكثر من رائع

قولى هتجيبى من الاسواق دى الارز والمكرونه والبامبرز لو فى بيبى
وهتجيبى كمان نواشف برجر ناجتس وحاجات كده وفراخ

نحط ميزانيه 20 دينار كمان
وفى فوق معانا 71دينار

ادى 91دينار وانتى مش حارمه نفسك من اى حاجه

فى جولف مارت كمان
الملابس بتاعه الاطفال رهيبه ورخيصه
وهتلاقى فيه الاكل كمان رخيص وحلو
بصراحه سوق بيعجبنى انا شخصيا جدااااااااا

طيب كده 160دينار للسكن

و91دينار اكل وشرب

ولو فى سيارة هتاخد بنزين حوالى ب30 فى الشهر

ولو فى استقبال لاطفال هياخد للطفلين حوالى 40دينار

كده الاجمالى 320 من ال400دينار

وانامبزرة بقى وقايله المصاريف ببراح اوى
ومش مدبرة حاجه
هتوفرى 80 وانتى وشطارتك