السفر البرى الى مصر بين المزايا والعيوب

البعض يعتقد ان السفر البرى الى مصر اوفر بكتير والبعض كمان بيفتكرة اسهل بس الموضوع مش بالبساطة دى وده بيختلف حسب ظروف كل حالة لو انت لوحدك معاك اطفالك مش مهم عندك التكلفة لان العملية تقريبا فى الغالب واحدة لكن البعض بيحب ينزل بالعربية وده اللى ممكن يعمل الفرق العيوب كتيرة أهمها التعب الطريق بيبقى متعب جدا وطويل والاستراحات إنتي وحظك مش دايما بتبقى كويسة ونظيفة
وبالنسبة للاطفال لو هما من النوع الهادي يمكن متحسيش بتعب قوي معاهم لكن لو أشقيا زي الأطفال المصريين كلهم يبقى ربنا يعينك
وبالنسبة للمصاريف برضو البري في مصاريف كتير من أول الاهتمام بالعربية نفسها قبل السفر عشان الطريق طبعا ، وكمان البترول والاستراحات والمطاعم طول أيام السفر وبعدين العبارة وكمان بياخدوا تأمين على العربية أول ما توصلي مصر
فأنا بحس إن المصاريف هي هي مفيش فرق كبير