النهاردة فى فيس بوك عربي مقلب غلاسة بعنوان اهل العريس الحكايه بدأت لما جه عريس للبت المضروبه هدير بنت خالى طبعا هتسألونى بعد كده طب العريس جه عندكم ليه علشان هى عايشه معانا لحد هنا وكله تمام ؟ تمام المهم يا اختشى منك ليها العريس جه هو ومامته وبعد ما مشيو ماما حكيتلى الحوار وانهم عايزين يجيبوا شبكه بخمسه وهى قالت ان خمسه قليل والكلام ده وخلص الموضوع على كده وتانى يوم ماما راحت عند تيتا وخدت معاها اختى وبنت خالى وكنت ماسكه التليفون وقلت اتصل اسلم عليهم مع انى كل يوم معاهم اصلهم جيرانى اللى تحتى معرفوش يخلصوا منى وسكنت فوقيهم ههههههههه المهم وانا ماسكه التليفون جاتلى فكره جهنميه رحت متصله عليها وردت عليه اختى فقولتلها السلام عليكم ورحمة الله وبركاته
وعليكم السلام مين معايا
مش ده تليفون الحاجه عمة هدير
ايوه حضرتك مين
انا اخت العريس اللى كان عندكم امبارح
ثانيه واحده
وسمعت اختى الهبله بتقول لماما الحقى بسرعه اخت لعريس راحت ماما قالتلها طب هاتى وراحت قالت
السلام عليكم
وعليكم السلام يا حجه انا اخت محمد
اهلا وسهلا بيكى يا بنتى
اهلا يا امى بصراحه ماما ومحمد ماشيين من عندكم مبسوطين وقلبهم مستريح اوى
القلوب عند بعضها يا حبيبتى
يا رب يكون رد العروسه خير
ان شاء الله هى مستريحه للموضوع وربنا يقدم اللى فيه الخير
بس محمد مسمعش صوتها خالص شكلهل خجوله
اه فعلا هى خجوله
خجوله ايه س يا حاجه دى صوتها فى البيت اد كده ما علينا
بس ماما قالتلى انكم شايفين الخمسه بتوع الشبكه قليلين
انتى عارفه يا حبيبتى الدهب غالى والخمسه مش هيجيبوا حاجه
بس بصراحه هى ماتستاهلش اكتر من كده
ولقيت ماما سكتت انتوا متخيلين منظرها والله انا كنت هموت وعايزه اضحك رحت قلتلها
يا حجه انتى رحتى فين
معاكى بس انا مسمعتش انتى قلتى ايه
طبعا كدبت ودانها يا عينى
بقولك هى ما تستاهلش اكتر من كده
لقيت ماما سكتت كده شويه وقالت
بتقولى ايه مش واخده بالى يا بنتى
ايه يا حاجه بقولك هى ماتستاهلش اكتر من كده دى معصعصه
هو طب انتى طب انا هو انتى قولتى ايه
والله يا بنات انتم مش متخيلين ماما كانت بتتكلم ازاى كانت كأن حد اداها بالبوكس فى وشها ههههههههههههه وصوتها بقى مخضوض ومش عارفه هى فعلا سمعت كده ولا ايه اللى بيجرى بالظبط وانا بقى مقدرتش اكمل ورحت ميته على نفسى من الضحك وماما عماله تقول الو مين هو فى ايه روحت قولتلها فى واحده متعرفش صوت بنتها راح صوتها رجع بعد ما كان جاتله اعاره وسافر هههههههه ومقولكوش على كمية الشتايم والبهدله اللى اخدتهم وبرده كنت هموت من الضحك وسامعه كل اللى وراها عمال يضحك عليها ويتريق ويقولولها بس اول ما اتكلمتى عملتى فيها عبده المهم ودخلتى البلكونه وبتتكلمى برقه ههههههههه
وعليكم السلام مين معايا
مش ده تليفون الحاجه عمة هدير
ايوه حضرتك مين
انا اخت العريس اللى كان عندكم امبارح
ثانيه واحده
وسمعت اختى الهبله بتقول لماما الحقى بسرعه اخت لعريس راحت ماما قالتلها طب هاتى وراحت قالت
السلام عليكم
وعليكم السلام يا حجه انا اخت محمد
اهلا وسهلا بيكى يا بنتى
اهلا يا امى بصراحه ماما ومحمد ماشيين من عندكم مبسوطين وقلبهم مستريح اوى
القلوب عند بعضها يا حبيبتى
يا رب يكون رد العروسه خير
ان شاء الله هى مستريحه للموضوع وربنا يقدم اللى فيه الخير
بس محمد مسمعش صوتها خالص شكلهل خجوله
اه فعلا هى خجوله
خجوله ايه س يا حاجه دى صوتها فى البيت اد كده ما علينا
بس ماما قالتلى انكم شايفين الخمسه بتوع الشبكه قليلين
انتى عارفه يا حبيبتى الدهب غالى والخمسه مش هيجيبوا حاجه
بس بصراحه هى ماتستاهلش اكتر من كده
ولقيت ماما سكتت انتوا متخيلين منظرها والله انا كنت هموت وعايزه اضحك رحت قلتلها
يا حجه انتى رحتى فين
معاكى بس انا مسمعتش انتى قلتى ايه
طبعا كدبت ودانها يا عينى
بقولك هى ما تستاهلش اكتر من كده
لقيت ماما سكتت كده شويه وقالت
بتقولى ايه مش واخده بالى يا بنتى
ايه يا حاجه بقولك هى ماتستاهلش اكتر من كده دى معصعصه
هو طب انتى طب انا هو انتى قولتى ايه
والله يا بنات انتم مش متخيلين ماما كانت بتتكلم ازاى كانت كأن حد اداها بالبوكس فى وشها ههههههههههههه وصوتها بقى مخضوض ومش عارفه هى فعلا سمعت كده ولا ايه اللى بيجرى بالظبط وانا بقى مقدرتش اكمل ورحت ميته على نفسى من الضحك وماما عماله تقول الو مين هو فى ايه روحت قولتلها فى واحده متعرفش صوت بنتها راح صوتها رجع بعد ما كان جاتله اعاره وسافر هههههههه ومقولكوش على كمية الشتايم والبهدله اللى اخدتهم وبرده كنت هموت من الضحك وسامعه كل اللى وراها عمال يضحك عليها ويتريق ويقولولها بس اول ما اتكلمتى عملتى فيها عبده المهم ودخلتى البلكونه وبتتكلمى برقه ههههههههه
