تفسير الاحلام والرؤى احكي حلمك مكرونة بالبشاميل

مع تفسير الاحلام والرؤى احكي حلمك مكرونة بالبشاميل بتقولك حلمت حلم صغنون بس انا اللى غلطانه انى حكيتله الحلم هو صحيح حلم مسخره وانا نفسى لما بفتكر بموت من الضحك بس هو زودها اوى فى التريقه طب انا هحكيلكم الحلم بس من غير تريقه مش هيبقى انتو وهو عليه بصوا بقى انا عندى ياسين عنده 8 شهور وربنا ما يوريكوا اللى بشوفه وقت النوم بيصحى كل ربع ساعه تقريبا وقبل ما اروح فى النوم يكون هو صحى فكنت ظابطه المنبه ولما رن الاستاذ صحى فقلت ارضعه وبعدين اقوم ومن كتر تعبى رحت فى النوم حوالى 10 دقايق ويا ريتنى ما كنت نمتهم علشلن ال10 دقايق دول هما اللى جابولى التريقه المهم حلمت خير اللهم اجعله خير انى رحت ازور مدرستى الثانوى ودخلت لفصل وقعدت جنب العيال ودخل مدرس العربى وكان مديهم واجب والواجب ده كان انهم يكتبوا قصيده عن المكرونه ايوه عادى يعنى فيها ايه مكرونه انا بدأت اسمع الضحك من دلوقتى  المهم يا اختى راح المدرس قومنى وسألنى عن الواجب بتاعى قولتله انا لسه مكتبتهوش قالى طب اكتبيه وهشوفه فى اخر الحصه راحت اختكم بقى مسكت القلم وبدأت تبدع وكتبت قصيده طويله عريضه بس لما صحيت مفتكرتش غير البيت ده يلا استعدوا علشان تشوفوا الهبل على اصوله البيت بيقول (المكرونه تشرف وشك فى العزومات بالبشاميل وبالعصاج مين قال هات )