المصريون اليوم يبقى انت اكيد فى مصر

عشان تعرف انت مصرى ولا لأ المصريون اليوم يبقى انت اكيد فى مصر شوف كده لما أصحى من النوم على صوت زعيق واحده من الجيران عماله تصرخ " الله يخربيوتكم يقطع الخلفه على الللى عايزنها " وبصوت أطخن من صوتى أنا شخصيا حقا أنتى المصريه

لما تلاقى أم ماشيه مع أبنها فى الشارع والولد بدون ما يأخد باله وقع حته شيكولاته على اللبس تروح الحاجه ربنا يباركلها مدياله حته قفا على القرعه ( ما هو لسه صغير ) مع شلوطين فى رجله وزقه بإيديها وتقوله " كاك 60 وكسه على 70 خيبه طالع موكوس زيه "

حقا أنتى المصريه
لما تنزلى من باب الشقه أو باب العماره وتقومى رزعه الباب حته رزعه تصحى الجيران كلهم كإأنك داخله ماتش مصارعه مع الباب

حقا أنتى المصريه
لما تعدى الشارع وأصلا الإشاره فاتحه ولو بس سواق مشروع أو تاكسى قرب منك على مسافه 2 م تقوم باصاله حته بصه من فوق ل تحت وتفتحى بقك 3 متر وتقوليله " متفتح أ أسطى ولا إتعميت ... كتكم 60 نيله سواقين عُمى صحيح "

حقا أنتى المصريه
لما تدخلى السوق تشترى أكل والراجل البياع يقولك الكيلو ب 5 ج وعامله نفسك فالحه وتقولى " ليه يا خويا دنا لسه لاقياه فى آخر السوق ب 4.5 بس مكنتش قادره أشيل " ولو قالك ماشى ب 4.5 تقوليله " ولا أقولك حاخد منك 2 كيلو ب 7 ج " ويقولك ماشى يا ستى . تقومى عامله بقى زكيه وتقوليله " بص هما 6 ج معيش غيرهم تاخدهم ولا أمشى " ولأنه راجل طيب حيخدهم بس حتخدى منه دعوه