اغرب بنت فى العالم من منتدى فتكات

اه طبعا اغرب بنت فى العالم من منتدى فتكات ولايمكن تلاقى اغرب من كده ابدا البنوتة طالبة عريس لحد كده كويس مفيش حاجة يعنى لاعيب ولاحرام من حقها مفيهاش حاجة بس شوف بقة هى مواصفاتها اية تقولك 140 كيلو و 140 سم يعنى فور باى فور الوزن شديد والعزم حديد 40 سنة اما عن التعليم طالعة من تانية اعدادى من اسرة متوسطة الحال ترغب فى عريس ثرى وسيم جسم رياضى لدية شقة فى مكان مناسب وسيارة ووظيفة حكومية تعليم عالى ويعطيها مصروف شهرى ولمن تنقصة اى من المواصفات السابقة الامتناع عن التقدم لانها سترفضة ولا داعى للاحراج صراحة مش عارف احراج لمين اساسا
الغريب بجد ان البنت دى نسيت اهم حاجة هل عايزاه بجناحات ولامن غير
وبعدين تلاقى 100 مشاركة بالتوفيق ياعسولة ياقمر ( قمر بالستر ياحبيبتى )
بعد سنتين كده ولاحاجة تلاقى طلب زواج تانى بس اللى اتغير السن معلش زاد بقة 42
العريس مش مهم الوظيفة الحكومية يعنى ممكن قطاع خاص يعنى هيعمل ايه الراجل هو ذنبة انه متعينش ميجراش خليها علينا المرادى
عدد مشاركات بالتوفيق بالحاج اللى على منتدى فتكات وصل ل150 احلى حاجة فى التجمع دة رفع الروح المعدنية هههههههههه
 كمان 3 سنين
نفس البنت بعد ماقفلت ال 45 اعلان جديد طلب عريس
مش مهم الشقة تكون تمليك ممكن ايجار قديم او جديد او بانسيون
اه هتسأل عن التعليقات بتزيد ياحبيبتى ووصلت 200
كمان 5 سنين
موضوع جديد مش مهم مستوى التعليم ( العلم فى الراس مش فى الكراس )
وطبعا بالتوفيق
كمان 10 سنين والحاجة قصدى البنت قفلت ال 60 وطلعت على المعاش
مش مهم السياراة المشى بردة مفيد فى السن ده ومش مهم جسمة ماخلاص ياحجة ايش ياخد الريح من البلاط